Qiyməti dəyişən avtobusların SİYAHISI
1 saat əvvəl"Cabir İmanov məşq prosesində vəfat etməyib" - Ölüm anının şahidi oldu
29 Sentyabr 2025 18:00 | Baxış sayı: 113
Xəbər verdiyimiz kimi, Əməkdar artist Cabir İmanov bu gün vəfat edib.
AJMEDİA.NEWS xəbər verir ki, jurnalist Elvin Elxan sosial şəbəkədə bu barədə paylaşım edib.
O, bildirib ki, Cabir İmanov məşq prosesində vəfat etməyib.
Həmin paylaşımı təqdim edirik:
"Gözəl insan Cabir İmanov məşq prosesində vəfat etməyib. Zala daxil oldu, bir neçə dəqiqə sonra oturdu və yıxıldı.
Həyatımın ən böyük travmasını aldım. İlk dəfə birinin ölümünün şahidi oldum. O adam ki, ən gözəl məşq yoldaşı idi.
Allah rəhmət eləsin!"
Qeyd edək ki, əməkdar artist məşq zalında müvazinətini itirərək yıxılıb. Onun yaxınlığındakı şəxslər dərhal kömək etməyə çalışaraq ürək masajı ediblər. C.İmanovun ürək fəaliyyətini bərpa etmək üçün ona elektroşok da tətbiq edilib. Lakin bu prosesin 20 dəqiqə davam etməsinə baxmayaraq, 49 yaşlı aktyorun həyatını xilas etmək mümkün olmayıb.
