Bu reydlər, Rusiyada artan antimüsəlman və antimiqrant ritorikasının real təsirini göstərir - Rüstəm Tağızadə

Son həftələrdə Rusiyanın Yekaterinburq şəhərində azərbaycanlı ailələrə qarşı keçirilən xüsusi əməliyyatlar zamanı zorakılıq tətbiq edilməsi, bir neçə nəfərin həyatını itirməsi və daha çoxunun saxlanılması xəbərləri yayıldı. Bu reydlər, Rusiyada artan antimüsəlman və antimiqrant ritorikasının real təsirini göstərir və ölkədə qeyri-rus mənşəli vətəndaşlara qarşı təzyiqlərin dərinləşdiyindən xəbər verir .

• Yekaterinburq hadisəsi Azərbaycanın taktiki neytrallıqdan strateji tərəf seçməyə doğru keçidini sürətləndirə bilər. Çünki bu hadisə diplomatik təhqir, diasporun təhlükəsizliyinə təhdid, və geosiyasi sabotaj kimi qiymətləndirilir.

Putin Administrasiyası hazırda:

• Ukraynada resursları tükənir,
• Ermənistanda Nikol Paşinyan faktoru ilə diplomatik təcrid yaşayır,
• Mərkəzi Asiyada Çin və Qərb arasında balans pozulur.
• Regionda mümkün ssenarilər.

1. Birinci ssenari: Rusiya ilə münasibətlər bütövlükdə gərginləşərək,( gərginlik vardır) Azərbaycanın Türkiyə ilə münasibətlərinin çox yaxşı səviyyədə olmasıdır. Bu, Moskvaya həm Qazaxıstan və Qırğızıstan kimi ənənəvi tərəfdaşlarla münasibətlərdə soyuma, həm də Cənubi Qafqazda nüfuz itkisi riskini doğura bilər.
2. İkinci ssenari: Moskva səviyyəsində kəşfiyyat, kiber və media təzyiqlərini intensivləşdirərək, Bakı ilə müəyyən anlaşmalar əldə etməyə çalışar, lakin etimadsızlıq pik həddə qalmağa davam edər.
3. Ən yaxşı ssenari: Rusiya insidentin beynəlxalq ictimaiyyət qarşısında daha da böyüməsinin qarşısını almaq üçün simvolik jestlər etməli, məsul şəxsləri cəzalandırmalı və rəsmi açıqlamalarla gərginliyi azaltmalıdır. Ancaq bu, Kreml üçün daxildə antigöçmen ritorikasını nəzarətdə saxlamaq baxımından çətin addımdır.

• Rusiya üçün strateji əhəmiyyət

Azərbaycan, Cənubi Qafqazda Rusiya üçün nəqliyyat layihələri (Zəngəzur dəhlizi və Avrasiya İqtisadi Birliyinin regiondakı təsiri) baxımından vacib tərəfdaşdır. Bakı olmadan bu platformaların etibarlılığı şübhə altına düşəcək. Rusiyanın Qafqazda həm Ermənistan, həm də Azərbaycan üzərində təsir imkanları zamanla zəifləyər ki, bu da Kreml üçün uzunmüddətli strateji itkidir .

• Nəticə: Moskva üçün indi ən mühüm vəzifə – gərginliyi lokal səviyyədə saxlamaq, beynəlxalq imicə zərbə vuracaq miqyaslı insidentlərin qarşısını almaqdır. Əks təqdirdə, Azərbaycan-Türkiyə əməkdaşlığının güclənməsi və Mərkəzi Asiyadakı ənənəvi dost ölkələrin Kremlin addımlarına soyuması, Rusiyanın postsovet məkanındakı geosiyasi mövqeyini ciddi sarsıdır. Maraqlıdır Rusiyanın bu xarici siyasətinə Mərkəzi Asiya ölkələri necə reaksiya verəcək? Axı Qazaxıstan ilə tez-tez gərginlilkləri biz görürük. Ona görə də bu ci çox geniş mövzudur.

Müəllif: Rüstəm Tağızadə.

AJM.