Bu iki ət növü ürək-damar xəstəliklərinin riskini kəskin artırır

Kardioloqlar bəzi növ ət məhsullarının ürək-damar sistemi üçün təhlükə yaratdığını bildirirlər.

AJMEDİA.NEWS xəbər verir ki, aparılmış araşdırmaya əsasən, xüsusilə müəyyən heyvan mənşəli qidaların tez-tez istehlakı ürək xəstəlikləri, diabet və pnevmoniya riskini artırır.

Tibbi elmlər doktoru Coys Oen-Syao bildirir ki, ürək sağlamlığının qorunmasında bitki əsaslı pəhriz daha effektivdir. Onun sözlərinə görə, tərəvəz, meyvə, tam taxıl, paxlalılar və qoz-fındığın tərkibindəki lif xolesterinin azalmasına və qan təzyiqinin tənzimlənməsinə kömək edir.

Mütəxəssis ürək üçün ən zərərli iki ət növünü açıqlayıb. Belə ki, qırmızı ət, (xüsusilə yağlı hissələr) yüksək doymuş yağ tərkibi LDL (“pis” xolesterol) səviyyəsini artıraraq arteriyalarda tıxanıqlığa, nəticədə infarkt və insult riskinə səbəb ola bilər.

Emal olunmuş ət məhsulları (sosis, kolbasa və hot-doqlarda) doymuş yağ və natrium miqdarı yüksək olur. Bu isə qan təzyiqinin yüksəlməsi və şişkinlik riskini artırır. Eyni zamanda nitrat tərkibi xərçəng təhlükəsini yüksəldir.

Amerika Ürək Assosiasiyası qırmızı ət istehlakının gündəlik rasionda məhdudlaşdırılmasını və yalnız yağsız hissələrə üstünlük verilməsini tövsiyə edir.

Kardioloqlar hesab edir ki, daha sağlam zülal mənbəyi kimi dərisiz toyuq və hinduşka əti, eləcə də omeqa-3 ilə zəngin balıq növləri (xüsusilə somon) seçilməlidir.

Mütəxəssislər xəbərdarlıq edir ki, sağlam qidalanmaya diqqət edilməməsi ürək-damar xəstəlikləri riskini əhəmiyyətli dərəcədə artırır.