"Bu halda Qəzza zolağında müharibə dərhal dayanacaq" - İsrailin Baş naziri

"HƏMAS İsrail tərəfinin bütün tələblərini yerinə yetirsə, yəni silahı yerə qoysa və bütün girovları qaytarsa, Qəzza zolağında müharibə dərhal dayana bilər"

AJMEDİA.NEWS xəbər verir ki, bunu İsrailin Baş naziri Benyamin Netanyahu bildirib.

"Əgər HƏMAS bizim tələblərimizlə razılaşsa, müharibə elə indi bitər. Qəzza silahsızlaşdırılacaq, İsrail isə təhlükəsizliyə ümumi nəzarəti saxlayacaq. Qəzzada mülki hakimiyyət yaradılacaq", - o bildirib.

B.Netanyahu həmçinin bəyan edib ki, İsrail ayrıca Fələstin dövlətinin yaradılması ideyasını tamamilə rədd edir.