Bu dronların sürəti 700 km/saata çatır

“Quantum Systems” şirkəti elektrik mühərriki və batareya ilə işləyən elektrik dronları üçün yeni sürət rekordunu elan edib.
AJMEDIA xəbər verir ki, şirkətin istehsal etdiyi “Apex Recordhunter” pilotsuz uçuş aparatı saatda 699 km sürətə çataraq, əvvəlki 657,59 km/saat sürət rekordunu yeniləyib.

Ginnesin Rekordlar Kitabı hələlik bu nailiyyəti təsdiqləməyib. Ona görə də, hazırkı rekord yeni silah platformasının hazırlanmasında ara mərhələ olaraq qalır.

Bu dronlar döyüşdə hücum dronlarının istifadəsinə universal bir cavab kimi nəzərdə tutulub. Bundan əlavə, yüksək sürət müasir hava müharibəsində kritik amilə çevrilən sürətli reaksiyanı təmin etməyə imkan verir.

Daxiliyanma mühərrikləri və ya reaktiv mühərriklərlə işləyən mövcud PUA-lar isə daha yüksək sürətlərə çatır. Məsələn, “RQ-170 Sentinel” saatda 925 km sürətə çatır. Lakin onlar böyük və bahalı olduqları üçün hava hücumundan müdafiə üçün yararlı deyil.//yeniavaz