Bu dövlət Trampın təklifini rədd etdi - "ABŞ və İsrail bu yolu özü seçib"

Almaniyanın müdafiə naziri Boris Pistorius ABŞ Prezidenti Donald Trampın Hörmüz boğazına hərbi gəmilər göndərmək çağırışını rədd edərək, İranla münaqişənin Almaniyanın müharibəsi olmadığını qeyd edib.

AJMEDİA.NEWS xəbər verir ki, onun sözlərini DPA xəbər agentliyi yayıb.

“Bu, bizim müharibəmiz deyil, biz başlamamışıq. Biz diplomatik həll yolları istəyirik, lakin regionda hərbi gəmilərin sayının artırılması çətin ki, buna kömək etsin”, - müdafiə naziri bildirib.

Pistoriusun fikrincə, ABŞ və İsrail özləri hərbi münaqişənin “yolunu seçiblər”, Almaniya isə mülayim tənqidlər səsləndirib. Nazir əlavə edib ki, növbəti addım Almaniyanı münaqişəyə cəlb etmək riski daşıyır.