Britaniya SEPAH-ı qadağan olunan təşkilatlar siyahısına salacaq - Starmer

Böyük Britaniya hökuməti İran İslam İnqilabı Keşikçiləri Korpusunun (SEPAH) qadağan olunmuş təşkilatlar siyahısına əlavə edilməsinə imkan verən qanunvericilik aktını hazırlayıb.

AJMEDIA.NEWS xəbər verir ki, bunu Böyük Britaniyanın Baş naziri Keir Starmer The Jewish Chronicle-a verdiyi müsahibədə açıqlayıb:

"Zərərli dövlət aktyorları və təşkilatları qadağan etməkdən danışarkən, lazımi tədbirləri görmək üçün qanunvericiliyə ehtiyacımız var. Bu qanunvericiliyi mümkün qədər tez təqdim edəcəyik. Yeni parlament sessiyası bir neçə həftədən sonra başlayacaq və biz bu qanunvericiliyi təqdim edəcəyik".

29 yanvarda Avropa Birliyi xarici işlər komissarı Kaja Kallas Aİ-nin SEPAH-ı terror təşkilatı kimi tanıdığını elan edib.

İran da cavab olaraq Aİ üzv dövlətlərinin silahlı qüvvələrini terror təşkilatları kimi tanıdığını açıqlayıb.