Bağırsaq xərçəngi diaqnozu qoyulan qadın xəstəliyin üç əsas simptomunu açıqladı

Yoğun bağırsaq xərçəngi diaqnozu qoyulmuş 24 yaşlı ABŞ vətəndaşı Peyc Zayfert xəstəliyin üç əsas simptomunu açıqlayıb.

AJMEDİA.NEWS xəbər verir ki, P.Zayfert bu barədə "Daily Mail" nəşrinə danışıb.

O bildirib ki, 2024-cü ilin avqustunda nəcisdə qan, qarın ağrısı və daimi yorğunluq şikayəti ilə həkimə müraciət edib.

"Məndə qeyri-müntəzəm ağrılar baş verirdi. Bu ağrılar zamanı orqanizmimdə nəyinsə düz getmədiyini hiss edirdim. Bu, ürəkbulanma, qarın ağrısı və ya spazmlar şəklində özünü büruzə verirdi", - deyə o bildirib.

P.Zayfert onu da qeyd edib ki, əvvəlcə xərçəng xəstəliyinə məruz qaldığını düşünməyib və onu müayinə edən həkim də bu fikirlə razılaşıb, çünki gənc yaşlı qadınlarda xərçəngin bu növünə nadir hallarda rast gəlinir. Bununla belə, ənənəvi müalicə nəticə vermədiyindən onu kolonoskopiyaya göndəriblər və detallı müayinə zamanı xərçəng xəstəliyinin bağırsaqdan kənara yayıldığı aşkarlanıb.