Azərbaycan Yəhudi Media Mərkəzi Azərbaycan xalqını 28 May - Azərbaycanın Müstəqillik Günü münasibətilə təbrik edib

Təbrik müraciətində bildirilib ki, 1918-ci ilin 28 mayında qurulan Azərbaycan Xalq Cümhuriyyəti Şərqdə ilk parlamentli demokratik respublika kimi tarixə düşərək milli dövlətçilik ənənələrinin əsasını qoyub. Vurğulanıb ki, bu mühüm tarix Azərbaycan xalqının azadlıq ruhunun, milli birliyinin və müstəqil dövlət qurmaq iradəsinin simvoludur.

Mərkəz bəyan edib ki, müasir Azərbaycan bu gün multikulturalizm, tolerantlıq və müxtəlif xalqların birgəyaşayış modeli ilə beynəlxalq arenada nümunə göstərilən ölkələrdən biridir. Azərbaycanda yaşayan yəhudi icmasının təhlükəsiz və qarşılıqlı hörmət şəraitində fəaliyyət göstərməsi də bu siyasətin bariz nümunəsi kimi qeyd olunub.

Sonda Azərbaycan xalqına sülh, rifah, davamlı inkişaf və dövlət müstəqilliyinin əbədi olması arzulanıb.