Avraam Berman - Gənclər arasında cinayətkarlığın artma meylləri

Müasir cəmiyyətin sosial-siyasi və iqtisadi həyatında baş verən dəyişikliklər gənclərin davranış modellərinə də təsir edir. Gənclik dövrü şəxsiyyətin formalaşdığı, həyat dəyərlərinin seçildiyi, sosial mühitin təsirlərinin isə daha güclü olduğu bir mərhələdir. Bu səbəbdən cəmiyyətin ümumi rifahı üçün gənclər arasında cinayətkarlığın artma meyllərinin öyrənilməsi və qarşısının alınması vacibdir.

Son zamanlar məktəblərdə və xüsusiylə gənclər arasında cinayətin artması cəmiyyətimiz həyacanlandırmaya bilməz. Mövzu ilə bağlı Vəkillər Kollegiyasının üzvü, vəkil Avraam Berman ajmedia.news-a problemin mahiyyətini izah edib:

---- Gənclər arasında cinayətkarlıq dedikdə, 14–29 yaş arası şəxslərin törətdiyi hüquqazidd əməllərin artması nəzərdə tutulur. Statistikanın, medianın və sosial şəbəkələrin müşahidəsi göstərir ki, son dövrlərdə gənclər arasında zorakılıq, soyğunçuluq, narkotik vasitələrin alqı-satqısı və ictimai asayişi pozan davranışların sayı yüksəlməyə başlayıb.

Bu artım təsadüfi deyil və əsasən sosial, iqtisadi və psixoloji faktorların birləşməsi nəticəsində meydana gəlir.

Artmanın səbəbləri ailə nəzarətinin zəifləməsi, valideynlərin işlə həddən artıq məşğul olması, boşanma hallarının çoxalması və ailədə zorakılıq və psixoloji gərginlik olmasıdır.

İqtisadi çətinliklər isə işsizlik və gəlir bərabərsizliyi, həyat standartlarının qeyri-sabitliyi və gənclərin maddi imkan əldə etmək üçün qaranlıq yollar seçməsidir.

Təhsil və tərbiyə mühitində olan problemlərə baxsaq burda, məktəbdə tərbiyə işinin formal xarakter daşıması, müəllim–şagird münasibətlərində emosional boşluq və təhsildən yayınma hallarının çoxalmasıdır.

Sosial şəbəkələr və media təsirnə nəzər salsaq zorakılığın “qəhrəmanlıq” kimi təqdim olunması, cinayətkar həyat tərzinin romantikləşdirilməsi və virtual mühitdə aqressiyanın güclənməsini görə bilərik.

Amma nəzərinizə çatdırım ki, burda psixoloji amilləri də hesablamaq lazımdlr. Yaşa xas emosional dəyişkənlik, özünü təsdiq etmə ehtiyacı və komplekslər və özünəinam çatışmazlığıdır.

Gənclər arasında cinayətkarlığın artması yalnız hüquq-mühafizə problemi deyil, həm də sosial təhlükədir. Bu proses:

cəmiyyətin mənəvi dəyərlər sistemini zəiflədir, ailələrin dağılmasına səbəb olur, dövlətin sosial yükünü artırır, gələcək nəsil üçün mənfi nümunə formalaşdırır.


Cinayət törətmiş gənclər çox zaman gələcəkdə sosial həyata inteqrasiya etməkdə çətinlik çəkir, təkrar cinayətə meyllənirlər.

Gənclər arasında cinayətkarlığın artması kompleks sosial problemdir və onun həlli dövlət, cəmiyyət, məktəb və ailənin birgə fəaliyyətini tələb edir. Gənclərin sağlam inkişafı yalnız hüquqi mexanizmlərlə deyil, həm də mənəvi, mədəni və psixoloji dəstək sistemləri ilə təmin olunmalıdır. Sağlam gələcək üçün sağlam gənclik vacibdir.

ajmedia.news