“Artıq ölüm hökmü verilib, yaxında gəbərəcəksən” - Səidə Bəkirqızı ölümlə təhdid edildi - FOTO

Tanınmış aparıcı Səidə Bəkirqızı ölümlə hədələnib.

AJMEDİA.NEWS Bizim.Media-ya istinadən xəbər verir ki, sosial şəbəkədə Tamerlan Nəsirli adlı şəxs S. Bəkirqızına ard-arda ölüm təhdidlərinin yer aldığı mesajlar göndərib.

Hətta o, tanınmış jurnalisti "Artıq ölüm hökmü verilib, yaxında gəbərəcəksən" ifadələri ilə təhdid edib.

Bundan əlavə, sözügedən şəxsin Lənkəran rayon sakini olduğu məlum olub.

Mesajlaşma zamanı o, S. Bəkirqızına "Lənkəran bayraq meydanına gəl", deyə, bildirib. S. Bəkirqızının T. Nəsirli tərəfindən ölüm təhdidlərinə məruz qalmasına səbəbin İranla bağlı çıxışları olduğu ehtimal edilir.