Elşən Gəncəvi: “Bu, tənqid yox, məqsədli hücumdur” – “Kəpəz”lə bağlı
7 saat əvvəlABŞ və İsrail İranın Qəşm adasındakı liman infrastrukturunu zədələdi
03 Aprel 2026 08:37 | Baxış sayı: 101
İran ABŞ və İsrailin hücumları nəticəsində Qəşm adasındakı liman infrastrukturu obyektlərinə ziyan dəydiyini bildirib.
AJMEDİA.NEWS xəbər verir ki, bu barədə ISNA Qəşm Azad İqtisadi Zonası Təşkilatına istinadən məlumat yayıb.
Nəzərə çatdırılıb ki, aprelin 1-i axşam saatlarından aprelin 2-si günortayadək endirilən zərbələr "Bəhmən" ticarət limanının bir hissəsinə, eləcə də "Doha" balıqçılıq körpüsünə zərər vurub.
Bununla yanaşı qeyd olunub ki, adanın enerji sistemi sabit rejimdə fəaliyyətini davam etdirir.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb.
