ABŞ və İran arasında kritik görüş: Tarix və məkan açıqlandı

ABŞ və İran nümayəndələri arasında birbaşa danışıqların keçirilməsi ilə bağlı yeni plan gündəmə gəlib. Məlumata görə, görüşün aprelin 27-də Pakistanın paytaxtı İslamabadda təşkil olunması nəzərdə tutulur.

AJMEDİA.NEWS xəbər verir ki, beynəlxalq mediada yer alan xəbərlərə əsasən, ABŞ tərəfini təmsil edən Cared Kuşner və Stiven Uitkoff əvvəlcə Pakistan nümayəndələri ilə ayrıca görüşlər keçirəcəklər. Daha sonra isə onların İranın xarici işlər naziri Abbas Əraqçı ilə bir araya gəlməsi ehtimal olunur.

Qeyd edilir ki, Abbas Əraqçı aprelin 24-25-də Pakistan rəsmiləri ilə danışıqlar aparacaq. Bu müzakirələrin əsas məqsədi ABŞ və İran arasında əlaqələrin yenidən qurulması imkanlarını dəyərləndirməkdir.

Həmçinin, İran XİN rəhbərinin yaxın günlərdə Oman və Rusiyaya planlaşdırılan səfərləri səbəbindən ABŞ ilə mümkün görüşün dəqiq vaxtı hələ tam dəqiqləşdirilməyib.