“ABŞ sanksiyalarının yumşaldılmasından sonra bir çox ölkə neftimizi almaq istəyir” − Peskov

ABŞ sanksiyalarının yumşaldılmasından sonra çox sayda ölkə Rusiyadan neft almağa hazırdır.
AJMEDİA xəbər verir ki, bu barədə Rusiya prezidentinin mətbuat katibi Dmitri Peskov TASS-a bildirib.

“Bazarlar həqiqətən genişdir və Rusiya neftini almaq istəyənlər çoxdur”, - Kreml sözçüsü deyib.

Qeyd edək ki, bir müddət əvvəl Tayland və Şri-Lanka rəhbərliyi Rusiya neftini almağa başlamaq niyyətlərini açıqlayıb. Amerikanın CNBC televiziya kanalı Yaponiya da daxil olmaqla, Rusiyadan neft idxal etməyə hazır olan ölkələrin uzun bir növbəsi barədə məlumat verib.//yeniavaz.com